Cumpreanos

Onte foi o cumpreanos de Laura e Marta, que tamén alcanzaron os seis anos.

FELICIDADES GUAPAS!!!

Bombeiros

Despois de aplazala dúas veces, hoxe, por fin, fixemos a visita aos bombeiros de Porriño. A pena é que o tempo non acompañou e non puidemos xogar coa espuma, pero, aínda así, pasámolo moi ben. Os bombeiros que nos acompañaron eran moi simpáticos, e mostráronnos a súa casa (porque é como unha casa de verdade, con dormitorio, cociña, sala...), a súa aula, as barras por onde se deslizan cando teñen que saír a atender un aviso, que se chaman cucañas, os camións, e ata o seu can, que se encarga de buscar a xente baixo os escombros. Ademáis puxéronnos un video de Mickey bombeiro moi gracioso e outro onde aprendemos o que temos que facer se hai un incendio na nosa casa, e o máis divertido, deixáronnos subir ao camión e tocar a sirena.

Teatro

O venres tivemos unha saída ao teatro Caixanova para ver a obra de teatro "Me duele el caparazón". Trataba sobre unha tartaruga pequena que tiña dor no caparazón, e os seus pais decidiron levala a ver ao caparazólogo, pero a ela dáballe moito medo. Despois dunha longa viaxe para ver ao médico déuse conta que era moi simpático e non tiña nada que temer porque a ía curar sen causarlle dor. Estivo moi entretida e gustóunos moito.

Alfareiro

O mércores aprendemos o que é un alfareiro. O papá de Noa, da clase de catro anos é alfareiro e ofreceuse a vir a ensinarnos as cousas que fai. Fixonos unha pelota e tamen unha xarra, e despois cada un de nós fixo unha xoaniña, aínda que saíron un pouco raras porque pintámolas de cores: verde, azul, amarelo. A algún tamén lle deu tempo a facer algunha outra cousa: un caracol, un cocodrilo, unha bolboreta...Pasámolo moi ben e ademáis encantóunos ver como funciona o torno e as cousas que se poden facer con él.