Cumpreanos

Hoxe foi o cumpreanos de Laura e Marta, xa teñen 5 anos, qué maiores. ¡MOITAS FELICIDADES!

Conto

Hoxe viñeron varios nenos e nenas de 5ºA a contarnos o conto de Hansel e Gretel, fixeron unha dramatización moi divertida e ata bailaron unha canción. Antes de marchar pintáronnos unha verruga de bruxa no nariz.

PARRULIÑOS

Estivemos mirando os parrulos que trouxo Xesús da súa finca, están recén nacidos, qué bonitiños son, puidemos acariciar e tocar algún, pero o máis divertido foi cando un parrulo asustado fixo caca na man da mestra, fartamonos de rir, aínda que a ela non lle fixo tanta gracia.

O venres fomos o Centro Cultural Caixanova a ver a obra de teatro "La gallina churra", unha obra de títeres sobre unha galiña que case come unha culebriña e ten que escapar da súa nai, a señora culebra, que a quere comer, para elo conta coa axuda do seu amigo Ratorratón, que decide disfrazala para que non a atope. Estivo moi divertida, gustounos moito.

Logo puxémonos un pouco tristes porque tivemos que despedir á "profe" Marta que xa rematou a sustitución no cole e tivo que marchar, desexámoslle moita sorte ¡BICOS!

POESÍA

Hoxe aprendemos unha poesía titulada "MI CASA DIVERTIDA":

En mi ventana

tengo una rana.

En mi sillón

hay un dragón.

En la nevera,

una pecera,

y en mi pasillo,

tengo un castillo.

¡Corre, que te pillo!

Despois fixemos unha ficha sobre ela, coloreamos a casa e os elementos da poesía, para despois picalos e colocalos no lugar correspondente.

CHOZA

Seguimos a coñecer tipos de casas, xa vimos a casa baixa, o edificio, o iglú, o tipi, e hoxe foi a choza. As chozas soen ter o tellado de palla e a estructura pode ser de adobe, de pedras, de ladrillo. Na nosa choza pusemos palla no tellado e plastilina de cor marrón nas paredes coma se fora o adobe.

LETRAS GALEGAS 09

Este ano o Día das letras Galegas está adicado ó escritor Ramón Piñeiro (1915-1990). Cada aula do cole fixo un mural en cartulina contando unha parte da súa vida, aquí esta o noso:

Ademáis, hoxe fixemos un pequeno acto para conmemorar este día. Primeiro vimos un vídeo sobre a vida de Ramón Piñeiro. A continuación algúns rapaces leron algúns fragmentos da súa obra. Tamén vimos uns cortos que fixeron rapaces de 3º ciclo, sobre o conto Rapunzel, a vida naquela época, a crise, etc. Por último, entregáronse os premios do concurso literario de narrativa e poesía. Ah! é tamén comemos pan de millo ¡ESTABA BOÍSIMO!

Informática

Xa rematamos o programa Casa e Familia. Despois de construir a casa, amoblar as habitacións, crear a familia e vestila, hoxe fixemos que os membros da familia realizaran distintas accións en varias habitacións ( por ex. o neno xogar no salón, a nena lavarse no baño, o can correr no xardín...). Tamén ordenamos secuencias de tres viñetas e, por último, fixemos un xogo de memoria facendo parellas. Na pizarra dixital estivemos debuxando a nosa casa, a verdade é que algunhas saíron un pouco raras.

Proxecto Casa

Como sempre que comezamos un proxecto, aportamos un montón de cousas que nos axuden a aprender máis sobre o tema. Trouxemos libros e contos sobre tipos de casas, máquinas que traballan para construilas, contos; tamén moitas ferramentas, excavadoras e hormigoneras, ata un ladrillo. Sarai trouxo un montón de fotografías do proceso de construcción da súa casa que nos encantaron porque aprendimos que pasos seguir para construila, e Raúl trouxo uns debuxos dos materiais e ferramentas que empregan os traballadores que están chulísimos. Mirade:

En informática continuamos co programa Casa e familia. Estivemos vestindo a familia que creamos o último día, o avó, o pai, a nai, o neno e a nena. Había moitas cousas para escoller, roupa interior, camisetas, xerseis, pantalóns, ata lentes, sombreiros e luvas. ¡Deixámolos guapísimos!